Horst und Eyes Wide Shut

Ok, jetzt wird es für alle Nichtschwaben mal wieder hart, aber Horst hat mal wieder etwas erlebt, dass ich Euch nicht vorenthalten möchte.
Mehr von ihm gibt es im Rahmen von Lesungen (nach Corona) oder im Buch "Wenn's dr Sex ned gäb".
.........................................

„Mensch Horst, Du schaust ja so traurig. Was ist denn passiert?“
„Mir wara am Wochenend uf einr "Eyes wide shut"-Bardy uf oinr alda Burg. Des isch oi Pardy nach däm gleichnamiga Film mid däm Tom Cruise ond der Nicole Kidman. Da dreffa sich Leut ond da gibd's a Ridual ond noh kriegsch oi Weib zom Figga zugewiesa. Da drägd man als Mann so oi Zorromaske ond oin Anzug ond die Weiba sind naggd ond kriega nur oi Mönchskudd umgehängd.
Des war voll schbannend.
Da war a Klavierschbielr ond der hedd so guad schbiela könna, dess sie däm die Glotzbebbel verbunda han, damid der die naggda Weiba ned seha konnd ond ned abgelengd wurd, damid er sich ned verschbield. Die Chandal hedd gmeind, des wär wega mir, weil der des Elend ned seha soll. Des hon i abr ned verschdanda, wie sie des gmeind hedd ond war mir au egal. Mir sind noh also da neiganga ond i han exdra main alda samtiga Konfirmazionsanzug vom Schbeichr gehold. Der hedd zwar nemme ganz gbassd, weil der isch wohl oiglaufa in denne 40 Jahra ond hedd am Ranza gschbannd.
Die Chandal hedd die alde, braune Degge vo unserem Hasso gnomma, weil mir koi andere gehabd han. Da hedd sie am Hals einen Schuahbändel vo mai Bundeswehrschdiefl agnähd, damid des wie a Umhang ausgeseha had. Mir han schbidzenmäßich ausgeseha ond die andera han ganz schee bleed glotzt, als mir oiglaufa sind.
Alle Gedränke wara inklusive, also han mir uns erschd einmol oi baar Biercha gönnd, weil die 300€ müsset ja wieder reinkomma.
Irgendwann isch des noh losgeganga ond die Weiba han sich in die Midde vom Saal im Kreis ufschdella müssa. Des sah recht doll aus, weil die Umhäng ja vornerum offa wara ond i die ganza Brüschde ond Pussys hab seha könna. Oine hedd sogar große Ring in ihra Bruschdwarda gehabd, wie der Bulle vom Bauer Hans in der Nase. Die Männr schdanda noh um die Weiba im Kreis rum. Dann kam oinr in einem Teufelskoschdüm ond hedd mid einem langa Schdogg dreimol uf den Boda gschdoßa ond älle wara blödzlich ruhich. Des war jedzd ebbes bleed, weil i hon zur Chandal grad gsagd, dess der wohl ein Fan vom 1.FC Kaiserslaudern ond wohl der Chef vo denna Teufeln vom Betzenberg isch ond des han jedzd älle gehörd, weil's ja blödzlich ruhich war. Es hedd abr keinr glachd.
Dann hedd der Klavierschbielr agfanga zu schbiela ond der Teufel hedd ganz wichdige Bschwörungsformeln ufgesagd. Die Weiba musschde noh ihre Umhäng ablega ond wara noh ganz naggd. Heilandsblechle, sah des guad aus ond i hon erschd einmol laud gbfiffa, weil mir des so guad gfalla had. Chandal hedd noh gsagd, dess i jedzd mai Maul halda soll ond oi paar andera han kladschd. Der Teufel hedd noh äwwl oi Weib an der Hand gnomma ond einem Mann zugeführd. Der durfde noh mid der uf a Zemmer geha ond mid ihr macha was er wollde. Die Chandal wurd gloi zwoi Männern übergeba ond die hedd ganz enddäuschd gschaud, weil des wara zwoi junge Buba, dena's sicherlich an Erfahrung gfehld had. Und die Chandal brauchd hald oin richdiga Kerle ond koine Buba. I war scho gschbannd, welche i bekomma würd.
Da war so oi Schwarzhaarig mid dolla Brüschda ond einem Engelsgesichd, die wollde i unbedingd han ond als die dran war, hon i mai Hand gehoba ond wie in der Schule mid den Fingr gschnibschd. Und der kam noh dadsächlich mid der zu mir rübr ond i hon mi riesich gfreid. Leidr ging er an mir vorbei ond hedd des Weib däm hindr mir geba. I wollde scho ebbes saga, abr der Teufel hedd mi ganz seldsam agschaud ond da war i liebr ruhich
Und noh wara blödzlich älle Weiba vergeba ond i schdand ganz alloi uf der Danzfläche.
Die Chandal war au verschwunda ond ieberall hedd man Geschdöhne ond Kladsche gehörd. I hon noh agfanga die Chandal zu sucha. Des war abr gar ned so oifach, weil die Burg hedd ganz viele Zemmer gehabd. I bin noh also vo Zemmer zu Zemmer glaufa ond hon gfragd ob oi Chandal anwesend wär.
Irgendwann war i noh im rechta Zemmer ond die Chandal lag übr einen Bock ond einr vo denna Buba hedd ihr mid der Beidsche den Arsch versohld. Die Chandal hedd gschdöhnd ond i bin natierlich gloi dazwische. Wenn einr mainr Chandal ebbes dud, noh werd i zom Teufel! I hon däm Buba oine zendrierd ond der isch glei zu Boda ganga. Der andere hedd mir noh vo hinda in den Schwidzkaschda gnomma ond mi gwürgd. Abr i hon als Jungr Jodu glernd ond hon oin perfekta Schulderwurf agsedzd ond der Bub isch im hoha Boga übr mi rübr gfloga ond uf den Boda knalld. Jedzd war des abr dummerweise die Chandal ond i wolld ihr soford ufhelfa. Da kam abr scho die Securidy ond hedd mi rausgeschmissa.
Mai schönr Konfirmazionsanzug war ganz dreggich ond a Ärml war oigrissa. Den muss die Chandal für des nächschde Mal erschd fligga. I han mi noh ins Auto gsedzd ond uf die Chandal gwarded. Die kam noh au no vier Schdunda später ond sah ganz glügglich aus. I glaub die hedd sich gfreid, dess i sie so verdeidigd han.
Allerdings war des Lächeln uf ihrem Gesichd sofort verschwunda, als sie mi gseha had.
I hon noh liebr nix gsagd.
I kann dir saga, Serena, fünf Schdunda Autofahrd mid der Chandal die nix sagd, isch koi Zuggerschlegga…