Horst und der Workshop „50 shades, aber richtig“

Eine kleine Leseprobe aus meinem soeben erschienenen Kindle "Wenn'sd r Sex nedd gäb":

„Ach woisch, Serena, des mit dem SM lässt mir fei koi Ruh. Die Chandal will emmer, dass mir em Bett so ausgfallene Sacha machet und wenn i noh sag, dass mir des recht wär, wenn der Sex ausfalla tät, noh isch Chandal emmer beleidigt. Aber du woisch ja, der VfB geht vor!
Jetzt hadd se mir doch des SM-Handbuch von dem Matthias Grimme gschenkt, damit i des mit dem SM besser versteh. Der Grimme isch so oin SM-Guru ond der schaut au ganz oft so grimmig ond der had halt ganz viel Ahnung von SM ond deswega had der au des Buch gschrieba. Des hab i mir durchglesa ond da standed fei scho wichtige Sacha drin. Zum Beispiel, wie mr des mit denne Wachskerze macht, damit ma sich nedd verbrennt, und dass ma a Schtimmung ufbaua soll, damit des Mädle in dr Flow kommt. Dr Flow isch, wenn de gar nix mehr mitkriegsch, außer dass des SM so schee isch. Des isch au ganz wichtig, dass du des emmer SSC machsch. Des bedeutet, dass du uffpassa musch ond nur Sacha machsch, die de au kannsch, ond emmer dei Hirn oischaltesch , damit nix passiert. Ond weil die Chandal emmer sagt, I sei nedd romandisch, hab ihr mir überlegt sie amol an Halloween zu überrascha. I han also onser Schlafzemmer schee gmacht, so mit rote Tücher und Weihrauchgstank und han überall Kerza nohgstellt ond agzündet. Des hat gstunke wie em Teufel sein Puff. Als die Chandal von dr Arbeit hoimkomme isch, hab i sie als Massamörder verkleidet empfanga ond sie glei ins Schlafzemmer gzerrt ond ihre Händ ans Bett gefesselt. Kurz war se ruhig, weil se halt übrrascht war, abr noh hadd se sich gewehrt ond gschria. Des lag vielleicht au da dran, dass se mi nedd glei erkannt had, wega meiner Zorromask. Mr war des abr egal, weil sie will des ja emmer authentisch han, also han I ihr mei oine alte Sportsock ins Maul gschoba ond mit der anderer fixiert. Da hadd se aber glotzt ond mi am Geruch von derra Sock erkannt. Wega derer Romantik hab i no „Atemlos“ von Helene Fischer ganz laut auf Dauerschleif gstellt, weil des isch grad mei Lieblingslied, ond noh ischs losganga. I hab se ganz langsam ausgzoga ond a bissle ihre Hupa knetet. Des mog die Chandal. I han na guckt, ob die Chandal in dr Flow komma isch, hab aber nix gesehe ond noh han i hald weitergmacht. Irgendwann wird der Flow schon komma, han i denkt.
Noh hann i des SM-Handbuch aufgschlaga ond ihr gsagt, dass i sie jetzt ebbes mit hoißem Wachs betröpfeln tät ond sie muss koi Angscht hann, weil i kenn mir jetzt ja aus. I han no zwoi Grabkerze agzündet ond a Weile brenna lassa, weil i wollt halt scho au ebbes mehr Wachs verwenda. In dem Buch stand drin, dass mr da nedd zu viel nemma darf ond dass des au wichtig isch, aus was die Kerz gmacht isch, ond dass mr ganz vorsichtig afanga soll. I han mi na au ausgzoga bis auf die Zorromask, weil i wolld ja bereit sei, wenn dr Flow komma tät. Als noh gnügend Wachs flüssig war, hab i mi ganz bedrohlich vor dr Chantal aufgbaut ond wollt mi uf ihrn Bauch setza. Chantal hadd aber in dem Moment nach mr gtreta ond mir isch oine von dene Kerze rausgrutscht on des ganze Wachs isch in ihr Gesicht gspritzt. Da war`s fei scho guat, dass die Chandal mei Sportsock in der Gosch khet hadd, sonscht wärs ganze Viertel zsammglaufa von dem Gebrüll. Noh hadd se aber nomal nach mr gtreta ond meine linke Kniescheib gtroffa, ond noh isch mr die zwoite Grabkerz au noh nausgrutscht ond des ganze Wachs isch über Chandal drüber. Mei Kniescheib had noh meim Maga gsagt, dass der sich sofort übergeba muss, ond des had der au gmacht. A Stückle war des au gut, weil des Erbrochene hat des Wachs auf ihrm Gsicht abkühlt. I han noh nach dr Chandal gschaut ond in ihrm Gsicht hab i etwas ganz Besonderes gseha … i glaub, des war der Flow.“
Atemlos durch die Nacht …