fahrn lerna
oiso i hoid vo sämtliche fahrassistenzen überhabd nix, weder beim auto, no beim moped, ma soi fahrn lerna na brachd ma den ganzn scheissssss need. da erste scheiß wos aufn markt kemma is is as abs, mei mutter hod moi an unfoi g'habd im winter weil dees abs need funktioniert hod, i häd aa scho faast an unfoi g'habd wega dem blädn abs, ohne abs kimm i eher zum steh und brems besser wenn i am fuaß dees g'fui dafür hob, im winter ziag i grundsätzlich vom abs dee sicherung raus und deaktivier dees weils echt need funktioniert, do muaß i oiwei zusätzlich no d'handbrems ziang das as auto g'scheid bremst.
wenn ma as fahrn g'scheid lernt und fahrerlehrgänge macht na brachd ma koa fahrhilfe, bremshilfe, lenkhilfe und wos sonsd no ois gibt, und wenn i ideallinie fahr und in a rechtskurven übern seitenstreifen fahr und in dreck nei na wui i need das ma na irgend a system an stache neihaud oder lenkkorrekturn macht und wer selber z'faul is zum fahrn und dees ois ham wui der soi si a taxi nehma oda bus oder bahn oder rikscha oder sonsd irgendwia fahrn lossn!
vor einigen jahren is a opa mit seim cermedes in a stauende neiknallt, bei der verhörung ob er dees stauende need g'seng hod und warum er need bremsd hod hod er g'antwortet... i hob g'moand mei auto erkennd dees und bremst selber. do lang i ma doch ans hirn. i finds scheiße wenn da mensch nimmer selber entscheiden konn.
stellts aich vor ihr gähds in a restaurant, b'stellts wos zum essen, da kellner bringst essen aber ihr fangds need zum essen o, nach a zeit frogd da kellner ob wos need stimmt und ihr sogds... i hob g'moand as essn sigd das i hungrig bin und fuadad mi automatisch!
