Mehr brandheiße Inhalte
zur Gruppe
Erotische Kommunikation
378 Mitglieder
zur Gruppe
Frivol Ausgehen
5776 Mitglieder
zum Thema
Liebe zu dritt - Was tun, wenn Gefühle für Dritte entstehen?121
Wir sind nun schon ein paar Jährchen bei Joy und wir verfolgen…
zum Thema
Liebe ohne Sex: macht meine Partnerschaft mich kaputt?90
Nachdem ich mich jetzt schon eine ganze Weile mit dem Problem herum…
Das Thema ist für dich interessant? Jetzt JOYclub entdecken

Zur bevorstehenden Bundestagswahl 1

Zur bevorstehenden Bundestagswahl 1
Büttenrede
In Memoriam Brinz Bibbi


Ei, liebe Leut, isch bin de Brinz Bibbi.
Isch bin brav un isch wähl dieses Jahr
Da ge isch am beschde als uralde Hibbi –
denn mir iss des aane völlisch glaasglar:
alles wi’d guut, nein, es wi’d besse!
Weil, isch schdegg mir Blume ins Haar
und isch schlag dem oins in d‘ Fresse,
der nit wi isch an des guude Gelinge,
bei uns und ach ned bloos in Hesse,
an des Waalgeschnegkbringe,
ans groose Ve’antwottungstraache
von all dene dolle Persöönlischkeide –
isch saags oich, s`iss kaum zu saache –
von dene Gescheide und Suubergescheide,
meer glaabe will unsoweide..
denn isch bin de Brinz Bibbi,
des iss oich jedz glaar
unn isch bin a Hibbi
unn isch wääl dieses Jahr.

Bei dene Schwazze un Roode un Gelbe,
do habbisch Auswaal, iss des net schee?!
In Wi’glischkeit sin si all bloos das selbe
un was si so redde des iss alde Schnee…
Davier hammer o no so Aldenadive,
Piraade un Lingke un sogaar Griene,
di Wi`gklischgeit geht unne fe‘nne un liefe
was unns bedrifft kommt uff de Schiene:
`s wa alls scho mol do, des kenne mer scho,
denn d` Bollidick di iss a Yoyo,
s`iss alls vier de Asch, was wolle mer mache?!
Mir kenne als Narre hald drübbe lache,
des wollt isch euch bloos nochamol saache –
misch kennt`er ja, mei God, alles fraache,
denn isch bin de Brinz Bibbi,
des iss ganz glaar,
unn isch bin a Hibbi
unn isch wääl dieses Jahr.

Wie heisst des doch glei, in der Derminologie:
isch geh zu ner U`ne da gehöör isch ach hie,
denn Asche zu Asche unn Asche aufs Haubt,
des iss des Anzische was uns erlaubt,
sonnschd dü`fe mir ja fascht nur no zahle,
devier geemer ach fleisig do hin zu de Waale,
in Wi`glischkeit simmer de Freiheit beraubd,
die Breise, die Abbeit, die Zukunft, den Loon
beschdimme die anne`n, die mache des schoon.
Mir gugge do zu unn mir freue uns laud,
mir habbe den Karneval, Wein unn de G‘sang,
biss Aschemiddwoch, do hamme’s ve‘daud
was uns di Knallköpp do obbe serviert,
wischdisch iss nur, das me de Geduld net ve`lie`t
egal was ma uns alles ve‘saud.
des saacht oich Brinz Bibbi,
dem iss des glaar,
denn der iss a Hibbi
unn er wäält dieses Jahr.

Simme doch froo, das’s unns so gud geet,
net wie de Schinese, di düffe bloos schufte
wies gelooge gedruggt im Paddeibuch no schdeet,
un die kenne net so oifach ve`dufte,
ach net wi de Inde ode de Neesche,
die habbe offt nedemool ebbes zum Esse.
Bei uns do ge mer annere Weesche,
es he`scht O´dnung, unn Freiheit und Rescht,
isch gugg gar net hi, denn sonst wi`d mer schlescht,
Was mer erreische könnt, wemmer bloos wollde…
Ne, blei`mer bescheidde, so wie mer sollde,
wer nach de Stenne greifd, der bleibd am Boode,
nur wer sisch anbassd, de kann gewinne,
so ischs in Deutschland die üüblische Moode,
drum, Freunde, in diesem Sinne
bin isch oier Brinz Bibbi,
des iss gans glaar,
der uralde Hibbi
un isch wääl dieses Jahr.

©Sur_real
Anmelden und mitreden
Du willst mitdiskutieren?
Werde kostenlos Mitglied, um mit anderen über heiße Themen zu diskutieren oder deine eigene Frage zu stellen.