Fernsehkastl

Fernsehkastl

Fernsehkastl, Fernsehkastl,
wos bist du fia a guata Freind!

Bringst ma de Wöt in Büdern,
kaunst as so sche schüdan.

Brauch nix denken, brauch nur schaun,
noch da Fernbedienung klaubm.

Mei, mit dir do gehts ma guat,
weil sie bei dir oiwei wos tuat.

Du host ma do de gaunze Wöt vazöht
Hob gaunz vü über die bestöht.

I woas jetzt wia de Amis leben,
hob a jede Serie gesehen.

Wia’s beim Gricht zuageht, was i a
Durt war i gern amoi a Star.

Dann mog i nu a jede Show,
bei mir, do gibts kan overflow.

Wia da Bauer hot sie ane gfunden,
hob i ghofft fia eam, a jede Stundn.

Mit de Sängerkanidaten hob i gschwitzt,
hob imma great, waun ana flitzt.

Hob die Daumen druckt den Ratefüchsen
Dabei gsoffen Bier aus Büchsen.

Na, Fernsehkastl, i steh auf di,
bist da beste Freind fia mi.

Schwoarz bist du seid gestern,
hob in Strom ned zoid, seid Ostern.

Gestern is da Strommann käma,
hätt gmant i soid mi kräftig schäma.

Fernsehkast, Fernsehkastl,
bist mei bester Freind.

........

Und jetzt geh i gschwind in Strom zoin,
wei i wü um ka Sendung foin.

_____________________________


(c) Herta 12/2008